Xəzər Universitetinin Kimya və kimya mühəndisliyi departamentinin kimya mühəndisliyi ixtisası üzrə təhsil alan II kurs tələbəsi Asim Əmrahovun elmi işi Rusiyanın Tuapse şəhərində keçirilmiş “Koordinasion birləşmələrin spektroskopiyası” adlı XXI Beynəlxalq Konfransın materiallarında dərc olunub.

“Complexation Study of Ag (I) with 1,3-bis (2E)-3-(naphthalen-1-yldiazenyl)-4-oxopentan-2-ylidene) thiourea” adlı elmi iş Kimya və kimya mühəndisliyi departamentinin müdiri Dr. Tahir Cavadzadənin elmi rəhbərliyi altında yerinə yetirilib.

Tədqiqat işində gümüş (I) ionlarının sintez edilmiş yeni üzvi reagentlə kompleks əmələgətirmə xüsusiyyətləri ekstraksiya-spektrofotometrik üsulla araşdırılıb. Əldə edilən nəticələr gümüşün iz miqdarlarının təyini üçün analitik metodların inkişafına töhfə verir.