Xəzər Universitetində tələbələrin sahibkarlıq düşüncəsinin formalaşdırılması və praktiki bacarıqlarının artırılması məqsədilə 2026- cı il oktyabrın 19- da “Biznes necə qurulur: ideyadan ilk müştəriyə kimi” mövzusunda praktiki seminar təşkil olunub.

Tədbirdə spiker qismində marketinq strategiyası üzrə mütəxəssis, sahibkar və "SEOCrony" şirkətinin təsisçisi Məhəmməd İbadlı çıxış edərək, təcrübəsini tələbələrlə bölüşüb. Seminar çərçivəsində biznes ideyasının formalaşdırılması və qiymətləndirilməsi, bazar araşdırmasının aparılması, eləcə də marketinq və satış strategiyaları geniş müzakirə edilib.

Tədbirin praktiki hissəsində tələbələr komandalara bölünərək, real biznes keysləri üzrə həll yolları hazırlayıb və öz strateji yanaşmalarını təqdim ediblər. Bu çalışma iştirakçıların yaradıcı düşünmə, komanda işi və problem həlletmə bacarıqlarının inkişafına töhfə verib.