Xəzər Universitetinin rektoru Dr. Raziyə İsayeva  2026-cı il mayın 5-7-də  London şəhərində “Deep Dialogues: Business as Un-usual – Leadership in International Education Transformation” adlı beynəlxalq tədbirdə iştirak edir. Tədbir Böyük Britaniya Şurasının (British Council) dəstəyi ilə təşkil olunub və ali təhsildə transformasiya, liderlik və beynəlmiləlləşmə kimi mövzulara həsr edilib.

Forumun açılış günündə “Qeyri-müəyyənlik dövründə beynəlmiləlləşmənin transformasiyası” mövzusunda panel müzakirələr keçirilib. Müzakirələrdə ali təhsildə dəyişən qlobal tendensiyalar, universitetlərin dayanıqlılığının artırılması, inklüzivliyin genişləndirilməsi və beynəlxalq səviyyədə liderlik yanaşmaları müzakirə olunub.

Proqram çərçivəsində həmçinin, “Liderliyin formalaşmasına təsir edən sistemlər” mövzusunda interaktiv vörkşop təşkil edilib. İştirakçılar ali təhsil müəssisələrində liderliyin inkişafına təsir edən əsas faktorlar barədə fikir mübadiləsi aparıblar.

Tədbir müxtəlif universitet rəhbərləri və beynəlxalq təhsil təşkilatlarının nümayəndələri ilə şəbəkələşmə imkanları da  yaradıb.