Xəzər Universitetinin Təbiət Elmləri, Sənət və Texnologiya yüksək təhsil fakültəsi və Təhsil departamentinin təşkilatçılığı ilə “Ali təhsildə beynəlmiləlləşmə: Maraqlı tərəflərin baxışları və Azərbaycan konteksti” mövzusunda seminar keçiriləcək.

Doktorant Fatimə Vəliyeva “2022–2028-ci illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində Azərbaycan Respublikası Elm və Təhsil Nazirliyi və Xəzər Universiteti ilə üçtərəfli müqavilə əsasında İngiltərənin Southampton Universitetində “Təhsil” ixtisası üzrə doktorantura təhsili alır.

Seminar 28 sentyabr 2026-cı il tarixində saat 18:40-da Xəzər Universitetinin Neftçilər kampusunda yerləşən 408N nömrəli otaqda keçiriləcək.

Seminara hər kəs dəvətlidir.