23–24 oktyabr 2026-cı il tarixlərində Yüksək Texnologiyalar və Süni İntellekt (ETAİ) Tədqiqat Mərkəzinin təşəbbüsü ilə Xəzər Universitetində ilk dəfə olaraq “AI for Educators” adlı iki günlük intensiv praktiki təlim keçiriləcəkdir. Təlim çərçivəsində iştirakçılar AI vasitəsilə kurs və mühazirələrin dizaynı, tədris resurslarının hazırlanması, fərdiləşdirilmiş öyrənmə, qiymətləndirmənin yenidən dizaynı və akademik fəaliyyət üçün AI strategiyalarının hazırlanması üzrə praktiki çalışmalar həyata keçirəcək, öz real kurs materialları üzərində işləyəcək və sonda AI-in tətbiqinə dair Fəaliyyət Planı hazırlayacaqlar.

Təlimçilər:

• Gloria Shkurti Özdemir, Xəzər Universitetinin Yeni Texnologiyalar və Süni İntellekt Tədqiqat Mərkəzinin və AEGIX İnstitutunun Tədqiqat direktoru. Dr. Özdemir süni intellekt siyasəti, təhlükəsizlik, rəqəmsal suverenlik və texnoloji transformasiya üzrə çoxsaylı elmi əsərlərin müəllifidir. Onun əsas üstünlüyü akademik tədqiqat təcrübəsini praktiki AI təlimi ilə birləşdirməsi və mütəxəssislərə AI alətlərini öz peşəkar fəaliyyətlərinə effektiv şəkildə inteqrasiya etməyə kömək etməsidir.
• Dolapo Fakuade, Böyük Britaniyanın Konventri Universitetinin (Coventry University) baş elmi işçisi və ETAI Tədqiqat Mərkəzinin üzvü. 15 ildən artıq beynəlxalq təcrübəyə malik olan Dr. Fakuade süni intellekt, tədqiqat, təlim və siyasət sahələrində ekspert fəaliyyətinə malikdir. Onun tədqiqat istiqamətləri yeni texnologiyaların akademik, hökumət və beynəlxalq mühitlərdə praktiki tətbiqini əhatə edir.

Təlimin hər iki gününü uğurla tamamlayan iştirakçılara Xəzər Universiteti tərəfindən rəsmi “Bitirmə sertifikatı” (“Certificate of Completion”) təqdim olunacaqdır. Bu sertifikat iştirakçıların Aİ-nin ali təhsildə tətbiqi üzrə ixtisaslaşmış intensiv təlim proqramını tamamladıqlarını təsdiq etməklə, onların gələcək akademik və peşəkar inkişafı baxımından əhəmiyyətli imkan yaradır.

Tədbir haqqında əsas məlumat:

Tarix: 23–24 oktyabr 2026-cı il       
Saat: 10:00–17:00     
Məkan: Xəzər Universiteti, Neftçilər Kampusu, Məhsəti küç. 41, Mərmər Zal
Təlimin dili: İngilis dili        
İştirak haqqı: 300 AZN       
AmCham üzvləri üçün: 30% endirim           
Qeydiyyat: https://forms.gle/aPN1VGSmVKmUDXvE7

Qeyd: Qeydiyyat formasının təqdim edilməsi iştirakın avtomatik təsdiqlənməsi demək deyil. Seçilmiş iştirakçılara iştirak və ödənişlə bağlı əlavə məlumat göndəriləcəkdir.