2026-cı ilin gəlişi ərəfəsində Xəzər Universiteti tələbələrə, əməkdaşlara, məzunlara və bizi izləyən geniş auditoriyaya xoş xəbər çatdırır. Universitetin sosial media strategiyası müasir tələblərə uyğun şəkildə təkmilləşdirilərək genişləndirilib. Artıq informasiya axını daha çevik, daha operativ və daha əlçatan formada təqdim olunacaq.

Rəsmi sosial şəbəkə hesablarımızda universitet həyatına dair yeniliklər, elmi və akademik fəaliyyətlə bağlı məlumatlar, tədbirlərə dair elanlar, tələbə uğurları, həmçinin gündəlik xəbərlər mütəmadi şəkildə paylaşılacaq. Yenilənmiş kommunikasiya yanaşmamız sayəsində siz universitetin dinamik həyatını daha yaxından izləyə, mühüm xəbərləri ilk mənbədən əldə edə biləcəksiniz.

İzləyicilərimizə tövsiyəmiz yalnız universitetin rəsmi hesablarından istifadə etmələri və informasiya təhlükəsizliyinə diqqətli olmalarıdır. Rəsmi səhifələrimiz aşağıdakılardır.

Gələn ildə birgə daha böyük layihələrə, yeni elmi və tədris uğurlarına imza atacağımıza inanırıq.