8–9 oktyabr 2026-cı il tarixlərində Dillər və ədəbiyyatlar departamentinin və Cusup Balasaqun adına Qırğızıstan Milli Universitetinin birgə təşkilatçılığı ilə Qırğızıstanın paytaxtı Bişkek şəhərində “III Türk Dünyasında Azərbaycan Dili və Ədəbiyyatı Araşdırmaları” Beynəlxalq Elmi Simpoziumu keçiriləcək. Universitetimizin türk dünyasında Azərbaycan dili və ədəbiyyatının, eləcə də Azərbaycan türkoloji fikirinin təbliği və tədqiqi istiqamətində həyata keçirdiyi akademik fəaliyyətin mühüm tərkib hissəsi olan sözügedən beynəlxalq simpozium Xəzər Universitetinin 35 illiyinə həsr olunmaqla, həmçinin I Bakı Türkoloji Qurultayın 100 illik yubiley tədbirləri çərçivəsində reallaşacaqdır.

Məqalə və məruzələrin hazırlanması qaydaları, simpoziumun işçi dilləri, mövzu istiqamətləri, iştirak şərtləri və digər ətraflı məlumatla tanış olmaq üçün aşağıdakı veb-səhifəyə keçid edə bilərsiniz: https://lllkhazar.org/az/