Xəzər Universitetinin Karyera və Məzunlar Mərkəzinin təşkilatçılığı ilə 2025-ci il oktyabrın 30-da İqtisadiyyat və menecment fakültəsinin 3-cü kurs tələbələri üçün “Karyera məsləhəti” mövzusunda seminar keçirilib.

Seminarın əsas məqsədi tələbələrin əmək bazarına daha hazırlıqlı şəkildə inteqrasiyasına dəstək vermək, onların CV və motivasiya məktublarının hazırlanması, müsahibə bacarıqları və şəxsi brendin qurulması sahəsində bilik və bacarıqlarını inkişaf etdirmək olub.

Tədbir zamanı HRENGİNEERİNG MMC-nın təsisçisi və icraçı direktoru, İnsan resurslarının idarə edilməsi üzrə ekspert Aynur Mirzəzadə karyera planlamasına giriş və SWOT analizi, peşəkar CV və motivasiya məktubunun hazırlanması, müsahibə mərhələlərinə hazırlıq və strategiyalar və digər mövzularda çıxış edib.

Seminar qrup işləri ilə davam etdirilib. Tələbələr təqdim olunan CV nümunələrini dəyərləndirərək, fikir mübadiləsi aparıblar. Sonda şirkətin rəhbəri A. Mirzəzadə qalib olan qrup üzvlərinə hədiyyələr təqdim edib.