2026-cı il 17- 19 noyabr aralığında İstanbulda Britaniya Şurası tərəfindən təşkil olunan beynəlxalq təhsil konfransı keçirilir.
Konfransın açılış mərasimində Britaniya Şurasının Türkiyə üzrə ölkə direktoru Denise Waddingham, Böyük Britaniya üzrə Təhsil direktoru Catriona McCarthy, Böyük Britaniya hökumətinin Beynəlxalq Təhsil üzrə xüsusi nümayəndəsi Sir Steve Smith və Türkiyə Ali Təhsil Şurasının (YÖK) prezidenti professor Dr. Erol Özvar çıxış ediblər.
Tədbirin ikinci günü Xəzər Universitetinin rektoru Dr. Raziyə İsayeva “Beyond Projects: Building Research Ecosystems for the Long Term” (“Layihələrdən kənara: uzunmüddətli tədqiqat ekosistemlərinin qurulması”) mövzusunda panel müzakirəsində çıxış edib.
Paneldə Türkiyə, Cənubi Qafqaz və Mərkəzi Asiyada tədqiqat sistemlərinin inkişafı, universitetlər arasında beynəlxalq əməkdaşlığın gücləndirilməsi, elmi potensialın artırılması və dayanıqlı tədqiqat ekosistemlərinin formalaşdırılması məsələləri müzakirə olunub.
Müzakirə çərçivəsində tədqiqat fəaliyyətinin yalnız ayrı-ayrı layihələr və xarici maliyyələşmə ilə məhdudlaşmaması, universitetlər, dövlət qurumları və beynəlxalq tərəfdaşlar arasında uzunmüddətli əməkdaşlıq mexanizmlərinin qurulmasının əhəmiyyəti vurğulanıb.