Xəzər Universitetinin Tarix və arxeologiya departamentinin müdiri, Türk İslam Araşdırmaları Mərkəzinin sədri, siyasi ekspert Dos.Telman Nüsrətoğlu Azərbaycanın artan geosiyasi əhəmiyyəti və Avropa ilə münasibətlərinin perspektivləri barədə AZƏRTAC-a açıqlamasında bildirib ki, Azərbaycan Avropa üçün yalnız enerji təchizatçısı deyil, həm də regional sabitliyin, enerji təhlükəsizliyinin və Avrasiya nəqliyyat-kommunikasiya əlaqələrinin inkişafında mühüm strateji tərəfdaşdır.
Açıqlamada Azərbaycan-Avropa əməkdaşlığının əsas istiqamətləri, o cümlədən enerji təhlükəsizliyi, yaşıl iqtisadiyyat, rəqəmsal texnologiyalar və Orta Dəhlizin inkişafı məsələləri təhlil edilib.
Departament müdiri Orta Dəhlizin Azərbaycanın tranzit və logistika imkanlarını genişləndirdiyini, ölkəmizin Avropa ilə Mərkəzi Asiya arasında mühüm bağlantı rolunu gücləndirdiyini qeyd edib. O, həmçinin regional sülhün və kommunikasiyaların inkişafının Azərbaycan-Avropa münasibətlərinin gələcək perspektivləri baxımından əhəmiyyətini diqqətə çatdırıb.
Qeyd edək ki, ekspertin açıqlaması 18 noyabr 2026-cı il tarixində AZƏRTAC-da yayımlanıb.