2025-ci il aprelin 7-8-də Elm və Təhsil Nazirliyinin sifarişi ilə Sosioloji Tədqiqatlar Mərkəzi tərəfindən Xəzər Universitetində bakalavr və magistratura tələbələri arasında sosioloji sorğu keçirilib. Sorğunun əsas məqsədi ali təhsil alan gənclərin mövcud vəziyyətini təhlil etmək, onların təhsil keyfiyyəti, sosial şəraiti, karyera gözləntiləri və psixoloji durumu haqqında məlumat toplamaq olub.

Sorğu mütəxəssis İlahə Həsənova, müsahibəçilər Ülviyyə Emralıyeva və Bahar Fətəliyeva tərəfindən aparılıb. Ümumilikdə 96 bakalavr və 8 magistr tələbə olmaqla, cəmi 104 tələbə sorğuda iştirak edib.

Qeyd edək ki, bu sorğu genişmiqyaslı EUROSTUDENT layihəsi çərçivəsində həyata keçirilən fəaliyyətlərdən biridir və Azərbaycanın ali təhsil sistemində tələbələrin vəziyyətinə dair mühüm göstəricilərin toplanmasına xidmət edir. Toplanan nəticələr gələcəkdə həm milli təhsil siyasətinə töhfə verəcək, həm də Avropa ölkələri ilə müqayisəli təhlil imkanı yaradacaq.