2026-cı il okyabrın 16- da Xəzər Universitetində “Khazar Talks-5” layihəsi çərçivəsində elmi seminar keçirilib. “Xəzər”in Beynəlxalq əlaqələr ofisinin təşkilatçılığı, Siyasi elmlər və fəlsəfə departamentinin təşəbbüsü ilə yaradılmış layihə çərçivəsində keçirilən seminarda Ukraynanın Azərbaycan Respublikasındakı fövqəladə və səlahiyyətli səfiri Yuriy Husyev “Ukrayna–Azərbaycan münasibətləri” mövzusunda mühazirə ilə çıxış edib.

“Khazar Talks” layihəsi ilk dəfə 2024–2025-ci tədris ilində Xəzər Universitetinin Siyasi elmlər və fəlsəfə departamenti tərəfindən təsis edilib. Layihə çərçivəsində səfirlərlə görüşlər, elmi seminarlar və kitab təqdimatları təşkil olunur.

Seminar zamanı Yuriy Husyev Ukrayna–Azərbaycan münasibətlərindən, iki ölkə arasında ikitərəfli əməkdaşlığın əsas istiqamətlərindən və əlaqələrin inkişaf perspektivlərindən bəhs edib.

Mühazirədən sonra səfir iştirakçıların suallarını cavablandırıb və ikitərəfli münasibətlərin müxtəlif aspektləri ilə bağlı əlavə məlumat verib.