Xəzər Universitetində Macarıstanın Şopron Universitetinin nümayəndə heyəti ilə 2026-cı il oktyabrın 9-da görüş keçirilib.

Görüşdə Şopron Universitetini Meşəçilik fakültəsinin dekanı, professor Dr. Balint Heil və inkişaf məsələləri üzrə məsləhətçi Dr. Marton Beke təmsil ediblər. Xəzər Universitetindən görüşdə universitetin rektoru Dr. Raziyə İsayeva, müvafiq dekanlıq, departament əməkdaşları və Beynəlxalq əlaqələr şöbəsinin nümayəndələri iştirak ediblər.

İki universitet arasında mümkün əməkdaşlıq istiqamətləri, birgə təhsil təşəbbüsləri və akademik əlaqələrin inkişafı məsələləri ətrafında fikir mübadiləsi aparılıb. Xüsusilə, ikili diplom proqramlarının yaradılması, birgə təhsil imkanlarının genişləndirilməsi və universitetlər arasında institusional əməkdaşlığın gücləndirilməsi perspektivləri müzakirə olunub.

Görüş universitetlər arasında qarşılıqlı təcrübə mübadiləsinin təşviqi, yeni akademik tərəfdaşlıqların qurulması və beynəlxalq təhsil əlaqələrinin genişləndirilməsi baxımından əhəmiyyətli olub.