Qazaxstanın Nazarbayev Universitetinin Magistratura pilləsinin Dövlət siyasəti üzrə assistant professoru Dr. Zhanibek Arynov 2026- cı il oktyabrın 16- da  Xəzər Universitetində səfərdə olub.

Görüşdə Xəzər Universitetini rektorun Beynəlxalq əlaqələr üzrə müşaviri Zemfira Məmmədova, Təbiət elmləri, sənət və texnologiya yüksək təhsil fakültəsinin dekanı Dr. Günel Bahəddinova, Siyasi elmlər və fəlsəfə departamentinin müdiri dosent Orxan Vəliyev və Beynəlxalq əlaqələr ofisinin koordinatoru Seyran Əliyeva təmsil ediblər.

Görüş iki universitet arasında əlaqələrin genişləndirilməsi, yeni əməkdaşlıq imkanlarının araşdırılması, gələcək tərəfdaşlığın müəyyənləşdirilməsi və inkişafı baxımından əhəmiyyətlidir. Görüş zamanı siyasi elmlər və beynəlxalq münasibətlər sahələrində əməkdaşlıq imkanları, o cümlədən ikili diplom proqramlarının yaradılması perspektivləri müzakirə olunub.