Xəzər Universitetinin Psixologiya departamentinin əməkdaşı və Xəzər Psixoloji Xidmət Mərkəzinin psixoloq-psixoterapevti Mirsadiq Muxtarov, universitetin Psixologiya klubunun birgə təşkilatçılığı ilə 2026-cı il oktyabrın 15-də “Şəxsiyyət pozuntularının klinik xüsusiyyətləri və terapiyası” mövzusunda tələbələr üçün maarifləndirici seminar olub. Seminarın əsas məqsədi şəxsiyyət pozuntularının klinik xüsusiyyətləri, yaranma amilləri və fərdin psixoloji fəaliyyətinə təsiri haqqında tələbələrdə ətraflı anlayış formalaşdırmaq, onların bu pozuntuların əlamətlərini tanımaq və müasir terapiya yanaşmaları barədə biliklərini artırmaq olub.

Seminarda şəxsiyyət pozuntularının fərdi və sosial münasibətlərə təsiri, onların erkən müəyyənləşdirilməsinin əhəmiyyəti və psixoloji yardım prosesində düzgün yanaşmanın rolu ətraflı şəkildə izah edilib. Bununla belə, şəxsiyyət pozuntularının qiymətləndirilməsi, diaqnostik yanaşmalar və müalicə prosesində nəzərə alınmalı əsas amillər haqqında məlumat verilib. Seminar tələbələrin klinik psixologiya sahəsində nəzəri biliklərinin genişləndirilməsi, psixoloji problemlərin daha dərindən anlaşılması və peşəkar yanaşma bacarıqlarının inkişaf etdirilməsi baxımından əhəmiyyət kəsb edib.

Mirsadiq Muxtarov şəxsiyyət pozuntularının əsas klinik xüsusiyyətlərinə, onların yaranmasında bioloji, psixoloji və sosial faktorların roluna toxunaraq, fərqli şəxsiyyət pozuntularının təzahür xüsusiyyətlərini izah edib. Bununla yanaşı, seminar zamanı şəxsiyyət pozuntularının diaqnostik meyarları, diferensial qiymətləndirilməsi və terapiyasında tətbiq olunan müasir yanaşmalar geniş müzakirə olunub. Şəxsiyyət pozuntularının idarə olunmasında psixoterapiyanın, fərdi yanaşmanın və mütəxəssis–pasiyent münasibətlərinin əhəmiyyəti vurğulanıb. Eyni zamanda, terapiya prosesində pasiyentin fərdi xüsusiyyətlərinin nəzərə alınmasının, davamlı psixoloji dəstəyin və elmi əsaslı müdaxilə üsullarının vacibliyi diqqətə çatdırılıb. Tədbir interaktiv formatda keçirilib. İştirakçılar mövzu ilə bağlı suallar ünvanlayaraq müzakirələrdə fəal iştirak ediblər. Seminar çərçivəsində praktik nümunələrə də yer verilib və nəzəri biliklərin real situasiyalarda tətbiqi ilə bağlı məsələlər müzakirə olunub. Sonda iştirakçılar seminarda əldə etdikləri bilik və məlumatların gələcək peşəkar fəaliyyətləri baxımından faydalı olduğunu qeyd ediblər.