Fəridə Ağazadə

Xəzər Universitetinin “Jurnalistika” ixtisası üzrə 2016-cı il məzunu olan Fəridə Ağazadə Azərbaycan Respublikası Prezidentinin  20 fevral 2025-ci il tarixli Fərmanı ilə təsis edilmiş “Azərbaycan milli mətbuatının 150 illiyi (1875–2025)” Azərbaycan Respublikasının yubiley medalı ilə təltif olunmuşdur.

Hazırda Azərbaycan Mətbuat Şurası icraçı katibinin müavini vəzifəsində çalışan Fəridə Ağazadənin bu mükafata layiq görülməsi onun milli mətbuatın inkişafına verdiyi töhfələrin yüksək qiymətləndirilməsinin nəticəsidir.

Tural Əzimov

Xəzər Universitetinin “Jurnalistika” ixtisası üzrə 2010-cu il məzunu olan Tural Əzimov media sahəsində uzunmüddətli və səmərəli fəaliyyətinə görə müvafiq yubiley medalı ilə təltif olunmuşdur. Hazırda Azad Azərbaycan Teleradio Yayım Şirkəti İctimai-Siyasi Proqramlar departamentinin redaktor-aparıcısı, eyni zamanda “ATV XƏBƏR”in əsas buraxılışının redaktoru və aparıcısı  kimi fəaliyyət göstərən Tural Əzimov Azərbaycan televiziya məkanında peşəkar fəaliyyəti ilə seçilən media nümayəndələrindəndir.

Saleh Nəsirov

1999-cu ildə Xəzər Universitetinin “Beynəlxalq Biznes” ixtisası üzrə məzunu olan Saleh Nəsirov kommunikasiya və ictimai fəaliyyət sahəsindəki xidmətlərinə görə müvafiq yubiley medalı ilə təltif edilmişdir. Hazırda sosial bloqer, PR və marketinq meneceri kimi fəaliyyət göstərən Saleh Nəsirov kommunikasiya, brend idarəçiliyi və rəqəmsal marketinq sahələrində həyata keçirdiyi layihələrlə tanınır.

Xəzər Universiteti məzunlarının media və kommunikasiya sahəsində medallarla təltif olunması universitetin güclü məzun potensialının daha bir göstəricisidir.