2025-ci il sentyabrın 9-da Xəzər Universitetində İqtisadiyyat və menecment fakültəsi və Karyera və Məzunlar Mərkəzinin birgə təşkilatçılığı ilə "İslam bankçılığı və maliyyənin qlobal inkişafı" mövzusunda ekspert sessiyası keçirilmişdir.

Tədbirdə AlHuda Centre of Islamic Banking & Economics (CIBE) şirkətinin baş direktoru  Muhammad Zubair Mughal çıxış etmişdir. "Maliyyənin gələcəyini ekspert fikirlərə əsasən kəşf etmək" şüarı altında keçirilən sessiyada İslam maliyyəsinin dəyişən landşaftı və onun davamlı qlobal iqtisadiyyatın formalaşmasındakı rolu ətraflı şəkildə işıqlandırılmışdır.

Tədbirdə universitetin tələbələri və akademik heyət iştirak etmişlər. Sessiya zamanı İslam bankçılığının müasir inkişaf tendensiyaları, dünya iqtisadiyyatındakı yeri və gələcək perspektivləri müzakirə olunmuşdur.

Tədbir iştirakçılar tərəfindən maraqla qarşılanmış və İslam bankçılığı sahəsində biliklərin genişlənməsinə imkan yaratmışdır.