2024-cü il dekabrın 17-də Karyera və Məzunlar Mərkəzinin təşkilatçılığı ilə Azərbaycan Beynəlxalq Bankının Xəzər Universiteti İqtisadiyyat və menecment fakültəsinin 3-cü və 4-cü kurs tələbələri üçün məlumat sessiyası təşkil olundu. Bankın “Qoşa saat” layihəsi çərçivəsində Biznes kreditlərinin təhlili departamentinin əməkdaşı, Xəzər Universitetinin müəllimi Əfəndi Əliyev “Korporativ bankçılıqda maliyyə təhlilinin rolu və əhəmiyyəti” mövzusunda məruzə ilə çıxış etdi.

O, böyük şirkətlər üçün xidmətlər və maliyyələşdirmə prosesi, korporativ kredit təhlili, bazarın səmərəliliyi və məlumat asimmetriyası, kredit analitiki bacarıqları və s. məqamlardan bəhs etdi. Həmçinin, Ə. Əliyev sözügedən bankda hazırda mövcud olan  vakansiyalar haqqında da məlumat verdi.

Sonda tələbələrin sualları cavablandırıldı.