2024-cü il dekabrın 12-də Karyera və Məzunlar Mərkəzinin təşkilatçılığı ilə eiGroup şirkətinin Təbiət elmləri və mühəndislik fakültəsinin 3-cü və 4-cü kurs tələbələri ilə görüşü keçirildi. Görüşdə istedadların cəlb edilməsi üzrə baş mütəxəsis Nailə Xələfli şirkətin əsas missiyası, fəaliyyət istiqamətləri, icra etdiyi layihələr, mövcud vakansiyalar haqqında ətraflı məlumat verdi. Həmçinin, şirkətin mütəxəssisi Səbinə Qulizadə CV-lərin hazırlanma qaydaları, iş müsahibələrində diqqət yetirməli olunan məqamlar barədə də praktik bilgilər verdi.  

Qeyd edək ki, eiGroup şirkətinin təməli 2015-ci ildə Xəzər Universiteti və neft-qaz sənayesindən bir qrup mütəxəssisin əməkdaşlığı nəticəsində yaranan eiLink Ar-Ge Mərkəzin əsasında qoyulub.  Bu mərkəzin qarşısında duran ilkin ideya birgə tədqiqat və elmi araşdırmalar vasitəsilə təhsil və sənayenin bir-birindən faydalanması üçün qarşılıqlı imkan yaratmaq idi.

Tədbirin sonunda tələbələrin sualları mütəxəssislər tərəfindən cavblandırıldı.