2024-cü il dekabrın 10-da Karyera və Məzunlar Mərkəzinin təşkilatçılığı ilə Təbiət elmləri və mühəndislik fakültəsinin sonuncu kurs tələbələri üçün Bakı Modern Təhsil Kompleksinin Dillər departamentinin rəhbəri, Xəzər Universitetinin müəllimi və məzunu İlahə Tinavasova tərəfindən “Karyera hədəfinə doğru: uğurlu başlanğıcın sirləri” mövzusunda təlim keçirildi.

Təlimdə effektiv CV hazırlanması, iş axtarmağın yolları, peşəkar e-mail yazmağın qaydaları öyrədildi. Həmçinin, LinkedIn profilinin gücü, işaxtarma platformaları və s. mövzular ətrafında geniş müzakirələr aparıldı.

Təlimin sonunda tələbələr faydalı məlumat və praktik tövsiyələr üçün İlahə Tinavasovaya təşəkkür etdilər və gələcəkdə bu kimi tədbirlərin daha çox təşkil olunmasını arzuladıqlarını bildirdilər.