2024-cü il oktyabrın 16-da Xəzər Universitetində Karyera və Məzunlar Mərkəzinin təşkilatçılığı ilə AIESEC-in (İqtisadiyyat və Biznes Tələbələrinin Beynəlxalq Assosiasiyası) Azərbaycan şöbəsi tərəfindən məlumatlandırıcı tədbir keçirilmişdir. Əsas məqsəd tələbələrə AIESEC haqqında və onun mübadilə proqramları: xaricdə qlobal könüllülük, maaşlı təcrübə proqramları və qonaq ailə layihəsi haqqında məlumatları təqdim etmək idi.
Tədbiri AİESEC-in könüllü əməkdaşı, Xəzər Universitetinin Humanitar, təhsil və sosial elmlər fakültəsinin 3-cü kurs tələbəsi Jalə Zeynalzadə və digər könüllülər keçirmişlər.
Tədbir zamanı tələbələr AIESEC-in məlumatlandırıcı lövhəsinə yaxınlaşaraq, təşkilat tərəfindən təqdim olunan proqramların üstünlükləri haqqında ətraflı məlumat əldə etmişlər.