2024-cü ilin oktyabrın 9-da Xəzər Universitetində Karyera və Məzunlar Mərkəzinin təşkilatçılığı və İqtisadiyyat və menecment fakültəsinin dəstəyi ilə Azərbaycan Respublikası Dövlət Neft Fondu (ARDNF) tərəfindən İqtisadiyyat və menecment fakültəsinin tələbələri üçün “Azərbaycanda dayanıqlı iqtisadi inkişafın təmin edilməsində ARDNF-nin rolu” mövzusunda seminar keçirildi.

Karyera və Məzunlar Mərkəzinin direktoru Zərifə Əliyeva qonaqları təqdim etdi  və tədbirin mahiyyətindən söz açdı.  İqtisadiyyat və menecment fakültəsinin dekan vəzifəsini icra edən Dr. Xanım Öməroğlu fakültə barədə ümumi məlumat verdi və fakültənin ARDNF ilə gələcək əməkdaşlığının önəmini vurğaladı.

Tədbirdə ARDNF-nin Strateji kommunikasiya şöbəsinin müdiri Ülviyyə Mehralıyevanın “ARDNF-yə ümumi baxış”, İnvestisiya departamentinin baş treyderi Nəzrin Mansurlunun “ARDNF-nin investisiya istiqamətləri” və Enerji layihələri departamentinin aparıcı iqtisadçısı Kamran Əlizadənin “ARDNF-nin hasilatın pay bölgüsü sazişləri və strateji layihələr üzrə rolu” mövzularında çıxışları oldu.

Görüşdə tələbələr interaktiv iştirak edərək, məruzəçilərə müxtəlif suallar ünvanladılar.