2024-cü il  iyunun 11-də  Karyera və Məzunlar Mərkəzinin və Təbiət elmləri və mühəndislik fakültəsinin birgə təşkilatçılığı ilə “Kompüter elmləri” və “Kompüter mühəndisliyi” ixtisası üzrə təhsil alan sonuncu kurs  tələbələri üçün “AccessBank Günü” keçirilib. Görüşdə AccessBankın Təhsil və inkişaf meneceri Xumar Hüseynova şirkətin fəaliyyəti, məqsədləri, əsas hədəfləri  barədə  geniş məlumat  verib.

Sonra bankın İnformasiya texnologiyalarının inkişafı  departamentinin direktor müavini Fərid Heydərov öz çıxışında daha çox “İnformasiya texnologiyaları (İT) üzrə yay məktəbi" proqramı və müəssisənin işə qəbul prosesi ilə bağlı danışmışdır. 

AccessBankın Biznes tərəfdaşlığı üzrə mütəxəssisi Rima Cəfərova  işə qəbul üzrə uğur strategiyasından, karyera maraqları, şəxsi brend, CV-nin  yazılması, müsahibəyə hazırlıq kimi məsələlərdən bəhs edib. 

Sonda tələbələrin sualları cavablandırılıb.