Xəzər Universitetinin Siyasi elmlər və fəlsəfə departamentinin müdiri, dosent Orxan Vəliyev 2026- cı il oktyabrın 22- də İctimai Televiziyanın (İTV) “ITV Xəbər Yekun” proqramına müsahibə verib.
Müsahibə zamanı Orxan Vəliyev Fransada baş verən iğtişaşların səbəbləri, prosesdə iştirak edən siyasi qüvvələrin maraqları və hadisələrin ölkənin siyasi gələcəyinə mümkün təsirləri barədə fikirlərini bölüşüb. O, siyasi iğtişaşların yalnız sosial narazılıqlarla məhdudlaşmadığını, bu cür proseslərdə müxtəlif siyasi və ideoloji maraqların da rol oynadığını vurğulayıb.
Dosent Orxan Vəliyev Fransada baş verən hadisələrin ölkənin siyasi mənzərəsində, eləcə də Avropada mövcud siyasi meyillərdə əhəmiyyətli dəyişikliklərə səbəb ola biləcəyini qeyd edib. Müsahibədə, həmçinin, Fransada siyasi sabitliyin qorunması ilə bağlı çağırışlar və baş verən proseslərin Avropadakı sol və sağ siyasi qüvvələrin mövqelərinə mümkün təsirləri müzakirə olunub.
Copyright © Xəzər Universiteti, 2026
