Xəzər Universitetində 2026- cı il oktyabrın 23- də “SAP Maliyyə Uçotu: beynəlxalq korporativ standartlara uyğun praktik tətbiq” mövzusunda təlim keçirilmişdir. Təlim İqtisadiyyat və menecment departamentinin müəllimi Cəfər Muxtarzadə tərəfindən aparılmışdır.

Təlim zamanı kreditor borclarının beynəlxalq standartlara uyğun uçotu qaydaları izah edilmiş, SAP sistemində hesab-fakturaların qeydiyyatı, ödənişlərin həyata keçirilməsi və təchizatçı hesablarının təhlili praktik nümunələr əsasında nümayiş etdirilmişdir. İştirakçılar, həmçinin, Accounts Payable Analyst vəzifəsinin əsas funksiyaları və bu sahədə istifadə olunan əməliyyat kodları (FB60, MIRO, MIR4, FBL1N və F110) ilə tanış olmuşlar.

Təlimin sonunda tələbələrin sualları cavablandırılmışdır.