2026-cı il oktyabrın 8-də Xəzər Universitetinin Siyasi elmlər və fəlsəfə departamentinin müdiri Dos. Orxan Vəliyev AnewZ kanalının “PrimeTime” verilişində çıxış edərək, aparıcı Andi Mioč’in   Azərbaycanın ilk dəfə tamhüquqlu iştirakçı qismində qatıldığı Mərkəzi Asiya dövlətləri və Azərbaycan liderlərinin 8-ci Məşvərət Görüşü ilə bağlı suallarını cavablandırıb. Türkmənistanın Avaza şəhərində keçirilən görüş C5 formatının Azərbaycanın iştirakı ilə C6 formatına genişlənməsinin davamı olaraq, regional əməkdaşlıq üçün yeni imkanlar yaradıb.

Dos. Orxan Vəliyev çıxışında Azərbaycan ilə Mərkəzi Asiya ölkələri arasında iqtisadi əməkdaşlığın genişləndirilməsi perspektivlərinə diqqət çəkib. O, Azərbaycan–Özbəkistan və Azərbaycan–Qırğızıstan əməkdaşlığını nümunə göstərərək, iqtisadi əlaqələrin dərinləşdirilməsinin və müxtəlif sahələrdə birgə təşəbbüslərin həyata keçirilməsinin əhəmiyyətini vurğulayıb.

O, həmçinin, Orta Dəhliz və Zəngəzur dəhlizinin regional nəqliyyat və bağlantı imkanlarının genişləndirilməsində rolundan danışıb. Dos. Orxan Vəliyev texnologiya və yaşıl enerji sahələrində birgə fəaliyyətin inkişaf etdirilməsinin Azərbaycan ilə Mərkəzi Asiya ölkələri arasında əməkdaşlığın yeni istiqamətlərini formalaşdıra biləcəyini qeyd edib.

Link: PrimeTime | 8 October 2026