Xəzər Universitetinin nümayəndə heyəti 2026- cı il iyulun 16- da Mədəni və Yaradıcı Sənayelərin İnkişaf Mərkəzində SUP VC şirkətinin nümayəndələri ilə növbəti görüşünü keçirib.

 Görüşdə universitetin rektoru Dr. Raziyə  İsayeva, Karyera və Məzunlar Mərkəzinin direktoru Zərifə Əliyeva, İnnovasiyalar üzrə koordinator Fariz Həsənli və rektorun icraçı assistenti Humay Hüseynova iştirak ediblər.

 SUP VC-ni icraçı direktor Rəşad Eyvazov və layihə meneceri İbrahim Gülmalıyev təmsil ediblər. Görüş çərçivəsində Xəzər Universitetinin nümayəndə heyəti Mədəni və Yaradıcı Sənayelərin İnkişaf Mərkəzinin fəaliyyəti, həyata keçirdiyi layihələr və yaradıcı sahibkarlığın inkişafına yönəlmiş təşəbbüsləri ilə yaxından tanış olub.

 Sonra SUP VC tərəfindən Xəzər Universitetində innovasiya ekosisteminin formalaşdırılması və inkişaf etdirilməsi istiqamətində hazırlanmış təkliflər təqdim edilib. Təqdimatda universitetdə innovasiya və sahibkarlıq mühitinin gücləndirilməsi, tələbə və tədqiqatçıların innovativ ideyalarının dəstəklənməsi, startap ekosisteminin inkişafı, eləcə də universitet-sənaye əməkdaşlığının genişləndirilməsinə dair müxtəlif təşəbbüslər yer alıb.

Təqdimatdan sonra tərəflər təkliflər ətrafında fikir mübadiləsi aparıb, mümkün əməkdaşlıq istiqamətlərini və gələcək fəaliyyət planını müzakirə ediblər. Görüş qarşılıqlı əməkdaşlığın inkişafı və uzunmüddətli tərəfdaşlığın qurulması baxımından məhsuldar keçib.