2025-ci il martın 14-də Karyera və Məzunlar Mərkəzinin təşkilatçılığı ilə İngilis dili müəllimliyi və Tərcümə (ingilis dili) ixtisasları üzrə təhsil alan tələbələri üçün Cambridge Education Center-in təsisçisi, Xəzər Universitetinin məzunu Yaqut Nuriyeva tərəfindən “Duolingo vs TOEFL/IELTS, which is better?” mövzusunda seminar təşkil olundu.

Yaqut Nuriyeva çıxışında TOEFL/IELTS və Duolingo nədir, hansı ölkələrdə tanınır, test quruluşu necə olur, onlar arasında fərqlər nədən ibarətdir, Duolingonun mənfi və müsbət tərəflərindən bəhs etdi.

Həmçinin o, tələbələrə qrammatik suallar verdi, şifahi və yazılı testlər təqdim etdi. Tələbələr aktiv iştirak edərək sualları cavablandırdı.

Verilən testlər əsasında uğurlu nəticə göstərən beş tələbə Cambridge Education Center-də 1 aylıq ödənişsiz təhsil almaq imkanı qazanacaq.