2024-cü il martin 28-də  saat 10:00-16:00-da Xəzər Universitetinin Karyera və Məzunlar Mərkəzinin təşkilatçılığı ilə Təbiət elmləri və mühəndislik fakültəsinin tələbələri Cənubi Qafqazın ən böyük külək elektrik parkı olan Azərişıq ASC-nin “Yeni Yaşma” Külək Elektrik Parkında sahə gəzintisində olublar. Xüsusi mentorların rəhbərliyi altında tələbələr külək enerjisi istehsalının incəliklərini, SƏTƏM təcrübələrini, külək turbinləri haqqında məlumatları öyrəniblər. Maraqlı müzakirələr və praktiki fəaliyyətlər tələbələrin üfüqi oxlu külək turbinləri (HAWTs) və onların bərpa olunan enerji istehsalındakı əhəmiyyəti  barədə  biliklərini dərinləşdiriblər. Ekskursiya zamanı tələbələr təlim-tədris labaratoriyasinda baş mühəndis Rasim Əliyev, Mühəndislər-  Mehdi Vəliyev,  İlkin Məmmədov, Arslan Məmmədov və texnik  İman Süleymanzadədən  texniki avadanlıqlar və onların istifadə qaydaları  barədə məlumatlanıblar. Tələbələr  dəstəyə və təcrübəyə görə “Yeni Yaşma” və “Azərişıq” ASC komandalarına öz təşəkkürlərini  bildiriblər.