2020-ci il fevralın 23-də Sabunçu rayon Gənclər Evində Ali Təhsil Müəssisələrinin Sərgisi keçirildi. Sərgidə 22 universitet və 5 kollec iştirak edirdi. Xəzər Universitetini Tələbələrin cəlb olunması üzrə işçi qrupunun rəhbəri professor Fuat Rəsulov, Karyera Mərkəzinin koordinatoru Fəxrəddin Abdullayev və İnkişaf Mərkəzinin layihə meneceri Səbinə Quluyeva təmsil edirdilər.

Tədbir təntənəli açılışla başladı. Gənclər Evinin direktoru qonaqları salamladı və tədbirin məqsədini açıqladı. Daha sonra təlim və tədris  üzrə mütəxəssis Emil Bayramov çıxış etdi və gələn qonaqlara tədbirin proqramı haqqında məlumat verdi.

Bundan sonra abituriyentlər və valideynlər tədbirdə iştirak edən universitetlərin stendlərinə yaxınlaşaraq, öz suallarını verdilər. Universitet nümayəndələri verilən sualları cavablandırdılar. Tədbirin 2-ci mərhələsi başladı. Bu mərhələdə abituriyentlər akt zalına dəvət olundular və universitetlərin nümayəndələri ardıcıllıqla prezentasiyalarla çıxış edərək, öz universitetləri haqqında məlumat verdilər. Xəzər Universitetinin nümayəndələri 2-ci çıxış etdilər və çıxışlarını video-kliplə başladılar. Çıxışdan sonra abituriyentləri maraqlandıran suallar ətrafında təqdimat etdilər. Təqdimatın yekununda universitetin məzunlar üçün daxili bazarla yanaşı, xarici əmək bazarına çıxışları barəsində məlumat verdilər.

Sərgi axşam saatlarına qədər davam etdi .