2019-cu il noyabrın 9-dan 12-dək Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı, Xəzər Universitetinin rektoru dosent İradə Xəlilova, Həyat elmləri departamentinin elmi işçisi dosent Cavid Ocaği və eiLink Araşdırma və İnkişaf Mərkəzinin direktoru dosent Rüstəm Rüstəmov Mustafa^(s.a.v.) Elm və Texnologiya Fondu (MSTF) tərəfindən təşkil olunan 6-cı Elm və Texnologiya Mübadiləsi Proqramı (STEP) və 4-cü Beynəlxalq EISA (Alimlərin Nailiyyətlərinin Sənayelərə Təqdim Edilməsi) sammitində iştirak etmək və çıxış etmək üçün dəvət edilmişdilər. 4-cü Beynəlxalq EISA sammitində əsas diqqət 3 sahəyə verilmişdi: su, sağlamlıq və enerji, o cümlədən, “Mustafa Mükafatı 2019”-un təqdimetmə mərasimi. Qısaca, EISA İslam dünyasının elm icmasını və akademik dairələrini bir yerə toplayan və məhsullar və xidmətlər sahəsində əldə edilmiş texnoloji nailiyyətləri yeni bazarlara, sənayelərə və sərmayəçilərə təqdim etməyi mümkün edən kommersiya platformasıdır. Mustafa^(s.a.v.) Mükafatı vətəndaşlıq, din, cins və yaş baxımından heç bir məhdudiyyət qoyulmadan informasiya-kommunikasiya elm və texnologiyası, həyat və tibb elmi və texnologiyası, nano elm və nanotexnologiya kateqoriyaları üzrə 57 İslam ölkəsinin müsəlman vətəndaşlarına verilən mükafatdır. Yuxarıda göstərilən bütün sahələrə UNESCO-nun aşağıdakı təhsil sahələri daxildir: təbiət elmləri, riyaziyyat və statistika; informasiya və rabitə texnologiyaları; mühəndislik, istehsal və tikinti; kənd təsərrüfatı, meşə təsərrüfatı, balıqçılıq və baytarlıq; sağlamlıq və rifah, habelə, təfəkkür elmi və İslam iqtisadiyyatı və bank işi.

Tədbir icra katibliyinin əməkdaşlığı və elmi əməkdaşlıq, maliyyələşdirmə, elm və texnologiya, su, enerji, ətraf mühit, səhiyyə və qadınlar sahəsində 70 alimin iştirakı ilə keçirildi. Qeyd olunan panellər Tehran şəhərindəki Əl-Zəhra Universitetində, Tehran Tibb Elmləri Universitetində, Şərif Texnologiya Universitetində, İmam Sadiq Universitetində və İranın Teleradio Yayımı Universitetində keçirildi.

Noyabrın 9-da professor Hamlet İsaxanlı Al-Zəhra Universitetində “İslam dünyasında elm və texnologiya əməkdaşlığı şəbəkəsinin prioritetləri nələrdir?” adlı mühazirə ilə panel iclasında iştirak etdi.

Noyabrın 10-da professor Hamlet İsaxanlı İranın Teleradio Yayımı Universitetinin ev sahibliyi etdiyi Elmi Kommunikasiya Sammitində “İctimaiyyətlə əlaqələr elmi kommunikasiya vasitəsi kimi” adlı daha bir çıxış etdi. Elə həmin gün dosent İradə Xəlilova, İran Tibb Elmləri Universitetinin ev sahibliyi etdiyi sağlamlıq, insanlar və ətraf mühit sammitində “Miyeloperoksidaz vasitəsilə oksidləşmənin klinik nəticələri” mövzusunda təqdimatla çıxış etdi.

Noyabrın 11-də Tehranın Vəhdət salonunda Mustafa^(s.a.v.) mükafatlandırma mərasiminin 3-cü turu təşkil edildi. İki türk alimi və üç İran alimi bu hörmətli Mustafa^(s.a.v.) mükafatına layiq görüldü. Professor Hamlet İsaxanlı digər aparıcılar arasında mükafatı təqdim etmək üçün səhnəyə dəvət olundu (link: https://iranpress.com/en/iran-i140427-3_iranians_2_turkish_scholars_win_mustafa_prize).

Tədbirdən sonra professor Hamlet İsaxanlı İran Milli TV, Press TV, Jame-Jam TV və digər İran televiziya və radio kanallarına geniş müsahibələr verdi (müsahibəyə 11:48-ci dəqiqədən başlayaraq baxa bilərsiniz: https://www.presstv.com/Detail/2019/11/12/611003/Mustafa-Science-Prize-2019).

Xəzər Universitetinin nümayəndələri İran İslam Respublikası Xarici İşlər Nazirliyinin Təhsil və elm şöbəsinin müdiri ilə də görüş keçirdilər. Xəzər Universitetinin müxtəlif səviyyəli proqramları və beynəlmiləlləşdirmə strategiyasını müzakirə etdilər.