2019-cu il iyulun 3-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı Azad Berlin Universitetinin məzunu, Avropa İxtisasartırma Mərkəzinin baş müəllimi Dr. Rüfət Səttarov, Humboldt adına Berlin Universitetinin doktorantı Asif Məsimov və Azərbaycan İlahiyyat İnstitutunun Tədris şöbəsinin müdiri, Xəzər Universitetinin doktorantı Zərifə Əliyevanı qəbul etdi. Görüş zamanı qonaqlar Almaniyada təhsil sistemindəki cari vəziyyət və perspektivləri müzakirə etdilər və mədəniyyət, ədəbiyyat, fəlsəfə və digər sahələrə aid məsələlərə toxundular. Eyni zamanda, professor Hamlet İsaxanlı Xəzər Universitetinin fəaliyyətindəki yeniliklər və nəzərdə tutulmuş layihələr haqqında ətraflı məlumat verdi. Tərəflər gələcəkdə əməkdaşlığın qurulması, professor-müəllim heyəti və tələbələrin mübadiləsi, birgə seminar, konfransların keçirilməsi barəsində razılığa gəldilər. Daha sonra qonaqlar universitetlə yaxından tanış oldular və onun mərkəz və departamentlərini ziyarət etdilər.

Qeyd edək ki, Dr.Rüfət Səttarov 2000-2001-ci illərdə Xəzər Universitetinin Orta Şərq və İslamşünaslıq departamentinin rəhbəri vəzifəsində çalışmışdır.