Xəzər Universitetində SUP VC şirkətinin nümayəndələri ilə 2026- cı il iyulun 9- da  potensial əməkdaşlıq istiqamətlərinin müzakirəsinə həsr olunmuş görüş keçirilib.

Görüşdə Xəzər Universitetinin rektoru Dr. Raziyə İsayeva, Təbiət elmləri və mühəndislik fakültəsinin dekanı Dr. Fəxrəndə Əfəndiyeva, İnnovasiyalar üzrə koordinator Fariz Həsənli, Tədqiqat və İnkişaf Mərkəzinin koordinatoru Günel Mədətli və rektorun icraçı assistenti Humay Hüseynova iştirak ediblər.

SUP VC tərəfindən isə iştirakçılar icraçı direktor Rəşad Eyvazov və layihə meneceri İbrahim Gülmalıyev olub.

Görüş zamanı universitetdə innovasiya ekosisteminin gücləndirilməsi, tələbə startaplarının dəstəklənməsi, sahibkarlıq bacarıqlarının inkişaf etdirilməsi və uzunmüddətli strateji tərəfdaşlığın qurulması istiqamətində əməkdaşlıq imkanları müzakirə olunub.

SUP VC nümayəndələri növbəti görüşün Mədəni və Yaradıcı Sənayelərin İnkişaf Mərkəzində keçirilməsini təklif edərək, Xəzər Universitetinin nümayəndə heyətini mərkəzə dəvət ediblər.