2016-cı il aprelin 20-də “Zəkalar” liseyində həmin liseyin 11-ci sinif şagirdləri ilə Xəzər Universiteti rəhbərliyinin görüşü keçirildi. Öncə məktəbin direktoru Aygün xanım Əhmədli girişdə universitet rəhbərliyini səmimi qarşıladı. A.Əhmədli əvvəlcə cay süfrəsi ətrafında universitet nümayəndələrinə “Zəkalar” liseyi haqqında geniş məlumat verdi və Xəzər Universiteti ilə uzun müddətdir davam edən əməkdaşlıqdan məmnun olduğunu bildirdi. Sonra o, liseyin akt zalında toplaşan şagirdlərə Xəzər Universiteti haqqında məlumat verdi. Şagirdlərlə görüşdə Xəzər Universitetinin rektoru professor Hassan Niknafs, Akademik işlər üzrə prorektor professor Məhəmməd Nuriyev, İdarəetmə və tələbə işləri üzrə prorektor İsaxan İsaxanlı, Təhsil fakültəsinin dekanı Elza Səmədova və İctimai əlaqələr və media üzrə direktor Əlövsət Əmirbəyli, universitetin tələbələri İsmət Allazov, Taliyə Hüseynzadə, Usama Ahmet Khand (Pakistan), Tendai Samantha Shereni (Zimbabve) və digərləri görüşdə iştirak etdilər.

Universitetin rəhbərliyi və tələbələri şagirdləri maraqlandıran bütün suallara cavab verdilər. Məktəbin direktoru Aygün Əhmədli maraqlı görüş üçün məktəbin kollektivi adından universitet rəhbərliyinə təşəkkür etdi.

Xatirə şəkilləri çəkildi.