2016-cı il aprelin 18-də R.Behbudov adına Dövlət Mahnı Teatrında görkəmli bəstəkar, Azərbaycan Respublikasının Əməkdar incəsənət xadimi Tahir Əkbərin 70 illiyinə həsr olunmuş yaradıcılıq gecəsi keçirildi. Tədbirdə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı da iştirak edirdi. H.İsaxanlı çıxış edərək, şair, bəstəkar və müğənni arasında əməkdaşlıq ideyaları və Tahir Əkbərin yaradıcılığı haqqında danışdı.

Konsert proqramında sözləri Hamlet İsaxanlı və musiqisi Tahir Əkbərə məxsus olan  iki mahnı səsləndirildi. Azər Zeynalov “Mənə ayrılan vaxt” və ya “ Rübailər” adı ilə məşhur olan mahnını, Gülyanaq Məmmədova isə “ Məndən sənə yar olmaz “ adlı mahnını  ifa etdilər.