“Xəzər Xəbər” jurnalının baş redaktor müavini, əməkdar jurnalist Əlirza Balayevin redaktoru olduğu «На имя Багирова, за подписью Багирова» («Bağırovun adına, Bağırovun imzası ilə”) adlı kitab “OL” npkt nəşriyyatında çapdan çıxmışdır. O, kitaba geniş ön söz də yazmışdır.

Kitaba uzun illər Azərbaycanın rəhbəri olmuş Mir Cəfər Bağırovun adına gəlmiş və onun tərəfindən göndərilmiş məktublar və digər sənədlər toplanmışdır. Kitabın tərtibçisi görkəmli şair, nasir, pyblisist, tarix tədqiqatçısı, ictimai xadim Teyyub Qurbandır. O, 20 il ərzində Azərbaycan Respublikası Prezidentinin İşlər İdarəsinin Siyasi Sənədlər Arxivində topladığı və M. C. Bağırova aid çoxcildlik əsərlərində istifadə etdiyi sənədləri ilk dəfə oxuculara təqdim etmişdir.