2016-cı il aprelin 16-da ParkİNN hotelində KUNİB-in (Qafqaz Universtetlər Birliyi) III Təhsil Sərgisi fəaliyyətə başladı. Sərgidə Türkiyənin 20-dən artıq universiteti, müxtəlif təhsil şirkətləri iştirak edirdi. Sərginin 1-ci günü rəsmi açılış həyata keçirildi. Rəsmi hissəni KUNİB-in başqanı, Ardahan Universitetinin rektoru professor Ramazan Korkmaz açdı. O, sərgiyə gələn bütün universitet rəhbərlərini, qonaqları, tələbələri salamladı və sərgi haqqında məlumat verdi. KUNİB-in fəaliyyəti haqqında film nümayiş etdirildi.
Təhsil sərgisində Xəzər Universiteti də iştirak edirdi. Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı və İctimai əlaqələr və media üzrə direktor Əlövsət Əmirbəyli sərgini ziyarət etdilər, türkiyəli universitet nümayəndələri ilə görüşdülər.
Xatirə şəkilləri çəkildi.