2016-cı il aprelin 14-də Xəzər Universitetinin rektoru professor Hassan Niknafs, Tədris işləri üzrə prorektor professor Məhəmməd Nuriyev və İctimai əlaqələr və media üzrə direktor Əlövsət Əmirbəyli TİKA-nın (Türk Əməkdaşlıq Koordinasiya Agentliyi) Bakı ofisini ziyarət etdilər və ofisin rəhbəri Mustafa Haşim Polatla görüşdülər. Görüş zamanı universitetlə TİKA arasında gələcək perspektiv layihələrin müzakirəsi keçirildi. Bakı ofisinin koordinatoru M.Polat yaxın zamanlarda universiteti ziyarət edəcəyini və TİKA-nın kitablarını hədiyyə edəcəyini bildirdi.
H.Niknafs səmimi görüş üçün TİKA-nın Bakı ofisinin rəhbərinə dərin təşəkkürünü bildirdi.