Xəzər Universitetinin Kimya və kimya mühəndisliyi departamentinin Kimya mühəndisliyi ixtisası üzrə II kurs tələbəsi Asim Əmrəhovun həmmüəllifi olduğu elmi iş 2026-cı il 22-23 oktyabrda Daşkənd şəhərində, Özbəkistan Milli Universitetində keçirilmiş “Chemistry of Complex Compounds, Chemistry, Analytics and Technologies of Noble and Rare Metals: Current Problems and Prospects” adlı Beynəlxalq Elmi-Praktik Konfransın materiallarında dərc olunub.

“Complexation behavior of copper(II) with (Z)-1-allyl-3-(2-hydroxybenzylidene) thiourea and its analytical application” adlı tədqiqat işi Kimya və kimya mühəndisliyi departamentinin müdiri Dr. Tahir Cavadzadənin elmi rəhbərliyi altında, Bakı Dövlət Universitetinin tədqiqatçıları ilə əməkdaşlıq çərçivəsində yerinə yetirilib.

Tədqiqat işində tiokarbamid əsaslı liqandın sintezi, quruluşunun xarakterizə edilməsi və mis(II) ionları ilə kompleks əmələgətirmə xüsusiyyətləri araşdırılıb. Birləşmənin struktur və koordinasiya xüsusiyyətlərinin öyrənilməsi məqsədilə eksperimental spektroskopik üsullardan və molekulyar quruluşun optimallaşdırılması hesablamalarından istifadə olunub.