Çin Xalq Respublikasının Pekin şəhərində yerləşən "Rusiya, Şərqi Avropa və Mərkəzi Asiya Çin Sosial Elmlər Akademiyası" tərəfindən 2026 – il 17 – 22 sentyabr aralığında təşkil olunan "Rəqəmsallaşdırma, Yaşıllaşdırma, Müştərək Transformasiya və Dayanıqlı İnkişaf" mövzusunda Avrasiya Seminarı keçirilib. Neft mühəndisliyi departamentinin müdiri Dr. Elvin Əhmədov tədbirdə Xəzər Universitetini təmsil edib.  

Çin Xalq Respublikasının müxtəlif sənaye müəssisələrinə, texnoloji parklara və tədqiqat institutlarına, sərgilərə ekskursiyalar təşkil olunub.

Seminarda Azərbaycan nümayəndələri ilə birlikdə Rusiya, Qazaxıstan, Özbəkistan, Qırğızıstan, Tacikistan, Moldova, Monqolustan, Gürcüstan və s. ölkələrin nümayəndələri də iştirak edib. Təcrübə mübadiləsi aparilib,  problemlər müzakirə olunub, o cümlədən, Dr. E. Əhmədovun da tezisləri  dinlənilib.

Elvin Əhmədovun Azərbaycandan olan digər mütəxəssislərlə birlikdə bəzi rəqəmsal transformasiyalar və enerji dayanıqlığı istiqamətində tezisləri seminar iştirakçılarına və Çinli mütəxəssislərə təqdim edilib.