2026-cı il sentyabrın 11-də Xəzər Universiteti Siyasi elmlər və fəlsəfə departamentinin iclası keçirilib. İclasda əvvəlcə departamentin doktorantları Rahil Dadaşlı və Burcu Temurun departamentdaxili müdafiəsi olub. Doktorantlar tədqiqat işlərini təqdim edib, təqdimatlardan sonra departamentin professor-müəllim heyəti tərəfindən araşdırmalarla bağlı rəy və təkliflər səsləndirilib, elmi işlərin təkmilləşdirilməsi istiqamətində fikir mübadiləsi aparılıb.

İclasın davamında Siyasi elmlər və fəlsəfə departamentinin müdiri dos. Orxan Vəliyev departamentin fəaliyyəti ilə bağlı hesabatla çıxış edib. Çıxış zamanı departament tərəfindən görülən işlər, həyata keçirilən akademik və elmi fəaliyyətlər, əldə olunan nəticələr, eləcə də qarşıdakı dövr üçün nəzərdə tutulan fəaliyyət istiqamətləri barədə məlumat verilib.

Sonra yeni tədris ili ilə bağlı məsələlər müzakirə olunub. Tədris prosesinin təşkili, yeni tədris ili üzrə əsas prioritetlər və departamentin qarşısında duran vəzifələr ətrafında fikir mübadiləsi aparılıb.

İclas qarşılıqlı müzakirə və fikir mübadiləsi şəraitində yekunlaşıb.