2026-cı il sentyabrın 10-da Xəzət Universiteti Siyasi elmlər və fəlsəfə departamentinin müdiri Dos. Orxan Vəliyev AnewZ kanalının “PrimeTime” verilişində Andi Mioč’in Azərbaycan Beynəlxalq İnkişaf Agentliyi (AIDA) və Türkiyə Əməkdaşlıq və Koordinasiya Agentliyi (TİKA) arasında imzalanmış əməkdaşlıq memorandumu ilə bağlı suallarını cavablamışdır.

Dos. Orxan Vəliyev bildirib ki, AIDA və TİKA arasında imzalanmış memorandum Azərbaycan və Türkiyə münasibətlərində yeni mərhələnin başlanğıcı kimi qiymətləndirilə bilər. Onun sözlərinə görə, memorandum iki ölkənin inkişaf və humanitar yardım sahəsində əməkdaşlığının daha da genişləndirilməsinə, həmçinin, Türk dövlətləri arasında əməkdaşlığın Afrika qitəsi də daxil olmaqla, daha geniş coğrafiyada inkişaf etdirilməsinə imkan yaradacaq.

O, eyni zamanda, Azərbaycanın beynəlxalq yardım proqramlarına toxunaraq, ölkənin qlobal miqyasda dəstək və inkişaf təşəbbüslərini genişləndirdiyini qeyd edib. Dos. Orxan Vəliyev Azərbaycan tərəfindən həyata keçirilən yardım proqramlarının praktik və ölçüləbilən nəticələrinə, eləcə də bu təşəbbüslərin effektivliyini təmin edən əsas amillərə diqqət çəkib.

Link: Primetime | 10 September 2026