2026-cı il avqustun 22-də Siyasi elmlər və fəlsəfə departamentinin müdiri Dos. Orxan Vəliyev ARB24 kanalında Çinarə Nurməmmədovanın aparıcısı olduğu “Gündəm” verilişinin qonağı olmuşdur.

Dos. Orxan Vəliyev veriliş zamanı Cənubi Qafqazda və regionun ətrafında cərəyan edən aktual siyasi prosesləri təhlil etmişdir. O, Rusiyadan Ermənistana Azərbaycan ərazisindən tranzit keçməklə buğda və propan göndərilməsinin regional və siyasi əhəmiyyətindən, revanşist qüvvələrin azadlıqda qalmasının Ermənistanın Baş naziri Nikol Paşinyan üçün yarada biləcəyi siyasi risklərdən bəhs etmişdir.

Dos. Vəliyev, həmçinin, İrəvan-Moskva münasibətlərində müşahidə olunan siyasi gərginlik fonunda Ermənistanın Rusiyadakı səfirinin dəyişdirilməsini, hazırda Rusiya-Azərbaycan münasibətlərinin inkişaf səviyyəsini və Azərbaycan–Türkiyə münasibətlərinin dinamikasını şərh etmişdir. O, Rusiya-Türkiyə münasibətlərindəki gərginliyin Cənubi Qafqazdakı siyasi proseslərə mümkün təsirlərini, eləcə də Türkiyə-İsrail münasibətlərində artan gərginliyin regionun geosiyasi mənzərəsinə təsirini dəyərləndirmişdir.

Link: SON DƏQİQƏ! Ukrayna KÜTLƏVİ PUA HÜCUMUNU BAŞLATDI - Rusiyanın BU ƏRAZİLƏRİ VURULDU - Gərginlik ARTDI