Beynəlxalq Türk Akademiyasının Prezidenti Prof. Dr. Şahin Mustafayev 2026- cı il avqustun 20- də  Xəzər Universitetində rektor Dr. Raziyə  İsayeva ilə görüşüb.

Görüş zamanı Türk Akademiyası ilə Xəzər Universiteti arasında əməkdaşlığın genişləndirilməsi, birgə elmi və akademik layihələrin həyata keçirilməsi, eləcə də gələcək əməkdaşlıq imkanları müzakirə olunub.

Prof. Dr. Şahin Mustafayev Türk dünyasının ortaq dil, ədəbiyyat və mədəni irsinin araşdırılması və tanıdılmasına yönəlmiş elmi tədbirlərin akademik əməkdaşlığın gücləndirilməsinə və ortaq dəyərlərin gələcək nəsillərə ötürülməsinə mühüm töhfə verdiyini vurğulayıb. O, Beynəlxalq Türk Akademiyası olaraq, Xəzər Universiteti ilə əməkdaşlığa böyük önəm verdiklərini qeyd edib.

Görüşün sonunda Prof. Dr. Şahin Mustafayev müəllifi olduğu “Archaelogists-Researchers of the Turkic World” kitabını Xəzər Universitetinin kitabxanasına hədiyyə edib.