Xəzər Universitetinin rektoru Dr. Raziyə İsayeva 2026- cı il avqustun 14 - də Xəzər Universitetinin təsisçısi, Direktorlar və Qəyyumlar Şurasının sədri Prof.Akad. Hamlet İsaxanlının köməkçisi Dilarə Məstəliyevaya yubileyi münasibəti ilə təbrik məktubu ünvanlayıb. Məktubda deyilir:

Hörmətli Dilarə xanım,

Sizi Xəzər Universitetinin kollektivi adından yubileyiniz münasibətilə ürəkdən təbrik edirik!

Xəzər Universitetində mühüm və məsuliyyətli vəzifədə çalışdığınız müddət ərzində peşəkarlığınız, zəhmətkeşliyiniz, səmimiyyətiniz və insanlara olan xoş münasibətinizlə həmkarlarınızın dərin hörmətini qazanmısınız. Hər zaman gülərüz, diqqətli və mehriban olmağınız Sizi kollektivimizin ən sevilən üzvlərindən birinə çevirmişdir.

Universitetimizin inkişafına verdiyiniz dəyərli töhfələrə, işinizə məsuliyyətli münasibətinizə və kollektivdə yaratdığınız müsbət ab-havaya görə, Sizə təşəkkürümüzü bildiririk.

Sizə möhkəm cansağlığı, ailə səadəti, uzun və mənalı ömür, fəaliyyətinizdə yeni uğurlar və həyatınızın bütün mərhələlərində xoşbəxtlik arzulayırıq. Arzu edirik ki, hər zaman olduğu kimi, bundan sonra da gülərüzlüyünüz, nikbinliyiniz və müsbət enerjinizlə ətrafınızdakı insanlara sevinc bəxş edəsiniz.

Yubileyiniz mübarək!