Tarix və arxeologiya departamentinin müdiri, dosent Telman Nüsrətoğlu, Türkiyəyə səfəri çərçivəsində 2026- cı il iyulun 10- da 44 günlük Vətən müharibəsindən dərhal sonra Azərbaycanda fəaliyyət göstərən Türk Silahlı Qüvvələri Azərbaycan Görəv Gücünün ilk komandanı, hazırda isə Türkiyənin Birinci Ordu Komandanı olan general Bahtiyar Ersay Paşa ilə görüşmüşdür.

Görüş  zamanı dosent Telman Nüsrətoğlu Xəzər Universiteti Nəşriyyatı tərəfindən çap edilən "Birinci Dünya savaşında Nargin adasında Osmanlı əsirləri və Azərbaycan türklərinin əsirlərə yardımları" adlı kitabını Orgeneral Bahtiyar Ersay Paşaya təqdim etmişdir.

Səmimi  şəraitdə keçən görüşdə  Azərbaycan-Türkiyə qardaşlığı, ortaq hərbi tarix, eləcə də iki qardaş ölkə arasında hərbi əməkdaşlığın keçmişi, bu günü və gələcəyi ətrafında geniş fikir mübadiləsi aparılmışdır.