Erasmus+ mübadilə proqramı çərçivəsində Türkiyənin İstanbul Gedik Universiteti və İspaniyanın Escola d'Art i Disseny de Castello (EASD Castello) Universitetinin nümayəndələri 2026 – cı il 9 – 10  iyulda  Xəzər Universitetində olublar.

Səfər çərçivəsində İstanbul Gedik Universitetinin Beynəlxalq əlaqələr ofisinin direktoru Yücel Kamar, Beynəlxalq əlaqələr və Erasmus koordinatorluğu ofisinin mütəxəssisi Ezgi Yıldız, həmçinin, İnşaat mühəndisliyi departamentinin müdiri Dr. Redvan Ghasemlounia, EASD Castello-nun Beynəlxalq təhsil şöbəsinin rəhbəri Ramon Gimeno Xəzər Universitetində qonaq olublar.Beynəlxalq əlaqələr şöbəsinin təşkilatçılığı ilə keçirilən görüşdə bu şöbə ilə yanaşı, Təbiət elmləri və mühəndislik fakültəsinin, eləcə də Tədqiqat və İnkişaf Mərkəzinin əməkdaşları iştirak ediblər. Görüş zamanı ali təhsil müəssisələrinin fəaliyyəti, təhsil proqramları və beynəlxalq əməkdaşlıq imkanları barədə təqdimatlar edilib. Universitetlər arasında əməkdaşlıq perspektivləri, akademik mübadilə proqramları və tərəfdaşlıq əlaqələrinin genişləndirilməsi müzakirə olunub, gələcək əməkdaşlıq istiqamətləri üzrə fikir mübadiləsi aparılıb.

Səfərin sonunda qarşılıqlı sertifikatlar təqdim edilib.