Xəzər Universiteti və Bayramlı Group şirkətinin nümayəndə heyəti arasında 2026- cı il iyulun 2- də  rəsmi görüş keçirilib.

Görüşdə “Xəzər”i universitetin rektoru Dr. Raziyə İsayeva, Təbiət elmləri və mühəndislik fakültəsinin dekanı Dr. Fəxrəndə Əfəndiyeva, Həyat elmləri departamentinin müdiri Dr. Cəmalə Eldarova və Həyat elmləri departamentinin dosenti Dr. Cavid Ocaqi təmsil ediblər.

Bayramlı Group şirkəti təsisçi Cavid Bayramlı, direktor Sevda Süleymanova, Laboratoriya yaradılması, inkişafı və kadrların təlimi departamentinin müdiri Dr. Xalid Bayramlı, eləcə də Satınalma və kimyəvi metodların tətbiqi üzrə mütəxəssis Nərmin Məmmədova ilə təmsil olunub.

Görüş zamanı tərəflər elm, təhsil və innovasiya sahələrində əməkdaşlıq perspektivlərini müzakirə ediblər. Əsas mövzulardan biri Xəzər Universitetində müasir standartlara cavab verən Molekulyar biologiya və genetika laboratoriyasının yaradılması istiqamətində əməkdaşlıq imkanları olub.

Eyni zamanda, laboratoriyanın müasir avadanlıqlarla təchiz olunması, beynəlxalq standartlara uyğun fəaliyyətinin təşkili, elmi-tədqiqat potensialının gücləndirilməsi, mütəxəssislərin hazırlanması və gələcəkdə birgə elmi-tədqiqat layihələrinin həyata keçirilməsi istiqamətində fikir mübadiləsi aparılıb.

Görüş qarşılıqlı əməkdaşlığın inkişaf etdirilməsi və tərəfdaşlığın uzunmüddətli əsasda davam etdirilməsi baxımından məhsuldar keçib. Tərəflər Molekulyar biologiya və genetika laboratoriyasının yaradılması istiqamətində növbəti mərhələlərin müəyyənləşdirilməsi və birgə fəaliyyətin davam etdirilməsi barədə razılığa gəliblər.