Xəzər Universiteti Psixologiya departamentinin koordinatoru,  Xəzər Psixoloji Xidmət Mərkəzinin rəhbəri Mələk Kərimovanın  Qarabağ Universitetində psixologiya ixtisası üzrə təhsil alan tələbələr üçün 2026- cı il iyunun 6- da  “Sənət terapiyası və tətbiqi” mövzusunda seminarı təşkil edilib. Seminarın məqsədi tələbələri sənət terapiyasının nəzəri əsasları, tətbiq sahələri və psixoloji praktikada istifadəsi ilə tanış etmək olub. İştirakçılara sənət terapiyasının fərdlərin emosional ifadəsi, özünüanlama, stressin azaldılması və psixoloji rifahın dəstəklənməsindəki rolu haqqında ətraflı məlumat verilib. Seminar çərçivəsində müxtəlif praktik fəaliyyətlər həyata keçirilib, tələbələr sənət terapiyasında istifadə olunan metod və texnikalarla yaxından tanış olublar. İnteraktiv müzakirələr və yaradıcı tapşırıqlar iştirakçıların mövzuya marağını artırıb və onların praktik bacarıqlarının inkişafına dəstək verib. Tədbirin sonunda tələbələrin sualları cavablandırılıb, sənət terapiyasının müasir psixoloji xidmətlərdə əhəmiyyəti və gələcək perspektivləri müzakirə olunub.

Seminar iştirakçılar tərəfindən maraqla qarşılanıb və onların peşəkar inkişafına dəstək verən faydalı təcrübə kimi qiymətləndirilib.