Xəzər Universitetinin Siyasi elmlər və fəlsəfə departamentinin müəllimi Ruslan Xəlilov 2026-cı il mayın 26-da Bakı Dövlət Universitetinin Tarix fakültəsinin təşkilatçılığı ilə keçirilən, Azərbaycan Xalq Cümhuriyyəti yaranmasının 108-ci ildönümünə və 28 May – Müstəqillik Gününə həsr olunmuş “Müsəlman Şərqinin ilk parlamentli respublikası tarixi tədqiqatlarda” mövzusunda III Respublika elmi konfransında iştirak edərək, "Azərbaycan Xalq Cümhuriyyəti dövründə insan və şəxsiyyətə dəyər anlayışının fəlsəfi təhlili" mövzusu ilə çıxış etmişdir.

Tədbirin məqsədi Azərbaycan Xalq Cümhuriyyətinin tarixi irsinin araşdırılması, soyqırımı həqiqətlərinin öyrənilməsi, alim və tədqiqatçıların elmi əməkdaşlığının gücləndirilməsi, eləcə də tələbə və magistrantların yeni tədqiqat nəticələri ilə tanış edilməsi olmuşdur. Konfransda müxtəlif ali təhsil və elmi müəssisələrin nümayəndələri iştirak etmiş, Azərbaycan dövlətçilik tarixi və Cümhuriyyət dövrünə dair məruzələr dinlənilmişdir.

Keçid: Bakı Dövlət Universiteti